接棒“雙陳”帶貨，TVB識貨冠軍陳自瑤感壓力：獻出多個第一次……

TVB附屬公司TVBC與淘寶合作電商直播，頭炮由陳豪與陳敏之主持，銷售額突破2350萬人民幣（約2646萬港元）。本月尾30日（下周四）第二次跨境電商直播，目前落實有《識貨》首屆冠軍陳自瑤（Yoyo）。

對於接「雙陳」陳豪及陳敏之棒成為帶貨主持，Yoyo坦言心情緊張又興奮，並謂自己為該電商直播獻出了多個第一次：

「我未試過正式真係做一個咁大型嘅直播帶貨Show，仲要係淘寶咁大嘅平台，所以都好緊張，對自己嚟講都係好大嘅挑戰。」

向來做事認真的Yoyo，為了將最好及最抵買的貨品推介給受眾，花了大量時間做事前準備：「因為都好多貨品需要去了解佢嘅用途、成份同其他所有嘢。今次挑戰6小時直播帶貨，都係人生從未做過嘅嘢。」

Yoyo又指自己平時絕不胡亂將貨品推介給朋友：「我向來做嘢比較謹慎和實際啲，所以我介紹親畀朋友嘅嘢，係真心覺得好用先至會介紹。」

問到Yoyo私下是否精明消費者，她笑稱自己其實是慳妹一名，「本身我係慳妹性格，我買嘢多數會格價，睇吓邊度啲嘢平啲、品質好啲，亦都會睇吓網上面啲Comment。」

再問是否「講價」達人，她則笑謂：「我有時買嘢都會盡量揀啲性價比高，講價方面，如果講到價嘅地方我都會盡量講嘅。」

據點新聞